20對於係我嚟講係一個咩數字? 係整數? 係credit? 定一個有意義嘅年份...?


20年，相信用梗十進制嘅朋友都會知道呢一年會係一個值得紀念嘅日子。20唔係代表著唔係一個冰冷嘅數字咁簡單，佢代表梗嘅係一個進位，由1進2。呢個經歷無數苦難，又無數恩典先會跳動一下嘅數字，有著佢嘅重量係度。





人生其實不過好似十進制一樣，有進位，有check point。好似一個BB仔由佢第一次識講佢人生第一句嘅語言「babe」就已經標誌住佢嘅check point。一個零的突破，一個歷史嘅破口。


唔知出面嘅你哋又會有幾多人意識到自己正正喺站係呢個歷史嘅破口，締造歷史嘅人。30歲、40歲、50歲嘅你，甚至你嘅子孫都會問: 20歲，熱血方剛，年青力壯嘅你究竟係到做梗乜? 不過係呢刻鐘你乜都唔需要答。歷史正確與否，唔係由呢刻嘅你定斷嘅。喺呢個破口上，你只係需要回答: 你到底有冇活出與基督嘅福音相稱嘅生命呢...? 耶穌係二千年前透過死亡拯救左我哋。

但佢冇停留係死亡。佢甚至吩咐我哋，叫我哋活出超越死亡嘅生命。


滕近輝 係佢嘅回憶錄就講過「向後看，都是恩典；向前看，也都是恩典。感謝神，恩待一個不配的人。」感謝神，祂係我20歲呢個checkpoint之前就讓我看見，搵到耶穌。衪讓我係20歲之後嘅人生都不再瞎眼，充滿永恆嘅盼望。願天父上帝嘅慈愛繼續保守，祝福，從今時直到永永遠遠。