 |
| 圖片來源：網絡 |
每一個人都會有佢自己既獨特之處，亦都有吸引異性既地方，但好多時我地都會唔經唔覺咁搵左個同自己幾相似既人。 例如（以下例子如有雷同實屬巧合）A好鐘意識異性朋友，異性界線很模糊，而B都唔差得遠，但雙方都好唔鐘意對方識異性朋友同埋個界線咁低。另一個例子，A同B都要求對方為自己改變，但二人從來都好堅持要做返自己。 再舉多個例子，A同B同樣好堅持自己既想法，無論事無大小，當二人想法有衝突時雙方都絕不讓步。
其實講左咁多，舉左咁多既例子，都係想講，通常你選擇既人都會同自己有七八分相似，無論優點或缺點，欣賞自己既地方，討厭自己既地方，都好有可能會係你伴侶身上搵到。喺你數對方不是既時候，麻煩你諗下自己會唔會都係個咁既人，咁既衰樣。學我地尊貴既莊員們話齋，我地要彼此相愛，愛與和平，大愛包容。 我都知有時咁講仲難聽過粗口，所以都知你唔會做到架啦。 因此係講接納包容對方之前，請先了解自己既缺點和討厭自己的地方，再去接受自己係一個咁既衰樣，然後先好學人去講愛。唔該晒，多謝。
蜜糖蜜糖寶貝
1 意見
想起唐太宗喺魏徵死後嘅一句:
ReplyDelete以銅為鏡，可以正衣冠；
以古為鏡，可以知興替；
以人為鏡，可以明得失。
朕常保此三鏡，以防己過。