圖片來源：網絡

我們倆相識8年多，時空穿插，係5年前開始一起走過大大小小既風波，經歷左無數既浪花。我地讀同一間中學，一齊考過DSE, 又一齊愛到入城大(雖然男嗰個係讀asso然後好努力先升得返上degree)，成日一齊返學放學。

自問牽著手入黎既我地，一路上見證住幾多對手在這個地方牽上，又在這個地方分開。多少個獨一無二的人，卻又分享着相似的故事。也感謝他(們)願意讓我們與他(們)同行，事實上無論甜或苦的故事，都教我們倆成長，祝福左我地。

到現在我地進入左final year 既階段，未來都會面對新一段的挑戰。係離開這裡成為社會大學生前，我地都想分享一下我地幾年所累積既得著，讓我地既愛能夠承傳落去。

係教會既context下，愛情不知為何是一個常常避而不談的話題。生於二代基督徒為主的教會，十次有十次小組都唔會聽到有人分享感情煩惱。感恩城團還有這個openess 比一班弟兄姊妹去傾訴分享，比我地係到亂噏啲似是而非既大道理。
之後落黎既日子，我地將會主觀地分析男女相處，更加會綜合不同實例去了解不同的問題。好希望可以同大家一齊去諗清楚先好去愛，唔好以後先黎後悔。亦歡迎大家係comment提出一些想探討的topic, 或者分享一下你的看法，我地會盡我地既腦力積極回應大家。謝謝。