 |
| 圖片來源：作者 |
首先等我地總結一下你地既commemt，暫時可以分為三個方向。
第一個就係屬靈層面既方法，你會去尋求神，希望可以解決同對方既衝突。 這是一個非常好的方法，因為你可以將個波拋比上帝，自己就咩都唔洗理。 當你將個波比得上帝，你就要順服佢任可既旨意，係你既就係你既，唔係你既就唔係你既，因為上帝早已預備。 咁你就可以安心比上帝同佢繼續拍拖，sweet sweet.
第二個就係”唔好嬲啦”，其實真係好depends個語氣。 如果你個日身痕想比人兜巴星，我極度建議你用呢句：妖!你唔好嬲啦!你又嬲乜＿野呀！其實哩句係同好熟既朋友先用得，如果你覺得佢係你既朋友而唔係伴侶既話，你不妨試下。 好多人發覺就算你好聲好氣氹都冇乜用，因為如果你身邊嗰個嬲，好多時會搞到自己都炆埋。除非你make sure自己底牌係「完全唔炆」，又或者演技勁過影后影帝，如果唔係都係收聲比較好，因為嬲緊嗰個其實係好sensitive 架，尤其係女人。
第三就係分手激將法，即係用分手黎要脅佢唔好再嬲，而哩個其實真係最唔建議既方法。 首先要了解男女大不同。 如果係男仔嬲，你講分手，個男仔就會話：分囉！我去搵個識得氹我既人！我唔信我搵唔到個好過你既人；如果係女仔嬲，你講分手，佢會即時好驚，然後變弱雞，唔敢係你面前嬲，但係心入面又會不停媽叉你，以後每次嬲都只會擺係心入面，積少成多，好似個氣球咁愈吹愈漲。當然最後係會吹爆左啦，而你既願望就會成真啦，分手指日可待。
講左咁多唔好既方法，當然要講下啲好既方法啦。如果你發現佢嬲，就真係要盡快解決。有時候面對面解決會比較好，因為可以防止有人乘虛而入，同埋一切豬朋狗友既意見。 仲有如果比對方私下冷靜，反而可能愈諗愈多，愈諗愈歪。其實，面對面點都比skype、電話、WhatsApp好，因為可以見到對方既表情，語氣，情緒變化，仲可以用到physical touch 黎表達自己。
蜜糖蜜糖寶貝
