圖片來源：網絡 耶穌呼召四門徒的故事發生係革尼撒勒湖邊，個時好多人圍住耶穌，迫切想聽道。 唔知係咪迫得濟，佢又見到有兩隻船停係度，就想上船講道。 呢個時侯，船上面冇人，因為漁佬夜晚打完魚，呢家去左洗網。 耶穌就上左其中一個叫西門既漁佬隻船，仲叫佢駛開少少，佢照做，然後耶穌就係船上講野。 講完之後，佢又叫西門開船，但唔係返上岸，而係叫佢開架船去深水既地方，之後仲叫佢落網：你打魚啦。 西門就心諗，日光日白係深水位邊打到魚，就講：老師，我地忙左成晚，都冇撈到啲咩，但係你講到，我就試下啦。 佢地就落左網，之後啲魚多到嚇死人，連個網都就快爛。 西門就叫埋佢啲手足黎，一齊拎啲魚上黎，啲魚裝滿左兩隻船，隻船重到一個點，成條船要沉。 呢個時侯，西門竟然唔係顧住大家既安危，大佬隻船要沉喇，係咪應該諗下辦法先，一係掉啲魚落海，一係拿拿林駛返埋岸。 但佢因為見到呢個場面，竟然伏係地下，就係耶穌膝頭哥面前，同耶穌講：主！走啊，我係個有罪既人！ 呢一刻大家都要o晒咀，竟然咁多魚既。 西門既手足雅各同約翰都係咁。耶穌就對西門講：唔洗驚！以後你要捉人喇。 於是西門，安德烈，雅各同約翰就泊返架船埋岸，放低所有野，包括佢地既船，魚，仲有所有財產，家人，跟左耶穌生活。 有啲位其實幾奇怪，點解西門要係個一刻講：主！走開我啊，我係個有罪既人！ 係咪因為知道耶穌就係神？耶穌是光，當光照在人身上，就能察覺自己既罪？ 而路加記載耶穌回應之前，加插左眾人既反應，又係點解呢？ 翻查返約翰福音第一章，西門原來係施洗約翰既門徒，有一日遇見左耶穌，個日就同佢住。 我地唔知西門係咪由個日開始就同耶穌一齊生活，但我地知道佢並冇放低佢既工作，佢都仲係一個漁佬。 佢有兩個身份，一個係耶穌既門徒，另一個係漁佬。 呢兩個身份會唔會有衝突既呢？可能夜晚打魚，日頭跟住耶穌，令佢兩邊都唔到岸? 好多時我地都有呢種兩頭唔到岸既感覺，做咩都做得唔好，只有無限既攰。 而耶穌特登行呢個神蹟俾西門，要佢知道就算你日忙夜忙，但真正令你得到好處既只有神。 你打左成晚魚咩？乜都冇， 得蘿吉。耶穌講一句說話咋，咪就係去水深既地方落網囉，就已經成蘿魚喇。 以為自己既知識，可以控制生活既大小事？神既權柄唔係仲高咩？ 西門講個句："主！走啊，我係個有罪既人！" 會唔會係因為佢仍為兩餐一宿而疲而奔命，冇盡力跟從耶穌而內疚？ 而西門亦深知道呢個神蹟係為佢而行，所以當下第一個反應唔係驚訝，而係顯出佢有後悔。 呢一個神蹟，令到西門真正跟從耶穌，讓他經歷從神而來既豐足。 你又記唔記得自己係幾時遇見神呢? 約翰福音 15:19...
